Навошта табе та краіна?

Навошта табе та краіна?
Дзе забіваюць за грошы.
Улада з поўсцю воўчай
Адзін аднаго горшы.

Навошта табе та краіна?
Дзе сказаўшы слова адно
Ёсць толькі шлях далей ўперад
Ці захавацца на дно.

Навошта табе та краіна?
Дзе ловяць мроі ў палон.
Заглушыўшы навінамі тыдня
Калакольны нядзельны звон.

Навошта табе та краіна?
Ланцуг ды білет ў адзін бок.
Яшчэ хто незгодны?
У турму яго пад замок.

Каб не вылазіў на свет
І здох як скаціна.
Падумай яшчэ:
Навошта табе та краіна?