Дай Божа мне сілы

Дай Божа мне сілы перажыць гэту зіму,
Дай Божа мне сілы ў вайне не загінуць.
Дай Божа мне сілы глядзець уперад,
Дай Божа мне сілы крочыць наперад.

Дай Божа спакою сабой заставацца,
Дай розуму Божа ў жыцці разабрацца.
Дай Божа мне памяркоўнасці крыху,
Каб рух не спыніць і ў ночы не згінуць.

Дай Божа людзям што побач са мной,
Шчасця ў жыцці, душэўны спакой.
Дай Божа сябрам маім хлеба і солі,
Дай ворагам Божа сваёй любові.

Дай Божа кожнаму каханне знайсці,
Дай Божа шанец, хаця б адзін.
Дай Божа свету, каб не згубіцца ў цемры,
Дай Божа сілы, дай Божа веры…