СОНЕЙКА.

Мне сказала сонейка: “Агу!”,
Падарыла светлую ўсмешку.
І пачуцці радугай душы
Майму шчасцю вымасцілі сцежку.
Мне сказала сонейка: “Агу!”,
Працягнуўшы да мяне ручонкі,
Музыкай чароўнай у цішы
Песціць слых мой гэты голас звонкі.
Мне сказала сонейка: “Агу!”
Запрасіла да сябе ў казку,
Дзе знаходзіцца пяшчоты рай,
Край вытокаў дабрыні і ласкі.
Мне сказала сонейка: “Агу!”,
Адчыніўшы ўраз шырока дзверы
У вясну – квяцісты месяц май,
Да крыніц надзеі і даверу!